समाचार
सुन्दरहरैंचाका युवाले गरे नमूना संसद सञ्चालनको अभ्यास, अतिथिले भने प्रतिनिधि सभाको बैठकजस्तै लाग्यो
विराटचोकः शनिबार सुन्दरहरैंचाको गोकर्ण रिसोर्टमा फरक दृश्य देखिन्थ्यो । भर्खर युवावस्थामा प्रवेश गर्दै गरेका युवाहरु संसद सञ्चालनको अभ्यास गरिरहेका थिए । उनीहरुले संसद चलाएको दृश्य दर्शकदीर्घामा बसेर हेरिरहेका थिए प्रदेश उपसभामुख सरस्वती पोखरेल, जिल्ला समन्वय समिति मोरङका अध्यक्ष अजम्बर राई र प्रदेश सांसद राजकुमार ओझाले । सुन्दरहरैंचा नगरपालिकाका नगरप्रमुख केदारप्रसाद गुरागाई, उपप्रमुख अकलीदेवी चौधरी र वडा नम्बर ५ का अध्यक्ष गणेश चौधरी पनि दर्शक दीर्घामा थिए ।
बिहान ११ बजे संसद भवनको साइरन घण्टी बजेपछि बैठक कक्षमा रहेको हाजिरी पुस्तिकामा हस्ताक्षर गर्दै नगर सदस्य बैठक कक्षको निर्धारित सिटमा बसेका थिए । साइरन बज्न छाडेपछि मर्यादापालकसँगै सभामुख तथा नगरपालिकाका प्रमुख बैठक कक्षमा प्रवेश गर्दा सबै नगर सदस्य उठेर सभामुखको सम्मान गरेका थिए ।
असार १ गतेदेखि शुरु भएको नमूना संसद सञ्चालनको अभ्यास असार ४ गते समापन हुँदा युवाहरुले ३ दिनमा सिकेको सीप प्रदर्शन गरेका थिए । नमूना संसद अभ्यास हेर्दा जति व्यवस्थित देखिन्थ्यो त्योभन्दा बढी मर्यादित पनि देखिन्थ्यो । नगरप्रमुखको भूमिका रहेकी सबिना खतिवडा र उपप्रमुखको भूमिकामा रहेकी सिम्रन न्यौपानेको पछाडि उभिएका मर्यादापालक चुपचाप मूर्तिवत उभिइरहे । सभा मर्यादित बनेकाले मर्यादापालकको आवश्यकता नै परेन ।
नमूना नगर सभा सञ्चालनको क्रममा नमूना संसदकी नगर प्रमुख बनेकी खड्काको प्रस्तुति आकर्षक थियो । उनले नगर सदस्यलाई माननीय नगर सदस्य अब आफ्नो सिटमा जान सक्नुहुनेछ भनेपछि मात्रै नगर सदस्य रोष्ट्रम छोडेर आफ्नो सिटमा बस्थे ।
नमूना नगर सभामा सुन्दरहरैंचा नगरपालिकाको लागि आगामी आर्थिक वर्ष २०७९÷०८० का लागि बजेट प्रस्तुत गरिएको थियो । त्यसपछि लेखा समितिका संयोजक विशाल मगरले अर्थ विनियोजन विधेयक २०७९ सभामा प्रस्तुत गरेका थिए । नगरसभामा थप २ वटा विधेयक प्रस्तुत भएका थिए ।
नमूना नगरसभाले आगामी आर्थिक वर्षका लागि सुन्दरहरैंचा नगरपालिकाकी उपप्रमुख सिम्रन न्यौपानेले प्रस्तुत गरेको बजेट तथा ३ वटा विभिन्न विधेयक पारित गरेको थियो । बजेट तथा विधेयक पारित हुनुअघि नगरसदस्यले बजेट तथा विधेयकमाथि छलफल गरेका थिए ।
नमूना संसद अभ्यास समापनपछि भएको औपचारिक कार्यक्रमलाई सम्बोधन गर्दै कार्यक्रमकी प्रमुख अतिथि प्रदेश सभाकी उपसभामुख सरस्वती पोखरेलले नगर सदस्य आत्मविश्वासका साथ कार्यक्रममा सहभागी भएको बताइन् । गहिराइमा डुबेर नमूना संसदको अभ्यास गरेको उनले बताइन् । स्थानीय तहले ल्याउन लागेको बजेटमा यसरी नै सबै युवाले चासो राख्नुपर्ने उनले बताइन् ।
प्रदेश सांसद राजकुमार ओझाले सांसदले ४ वर्षमा गरेको अभ्यासभन्दा राम्रो अभ्यास तालीमले दिएको आफूले पाएको बताए । प्रशिक्षार्थीलाई राम्रोसँग प्रशिक्षण दिएको भन्दै उनले प्रशिक्षकको तारिफ गरे । नेतृत्व गर्ने विद्यार्थी अब्बल हुनुपर्ने उनले सुझाव दिए ।
जिल्ला समन्वय समिति मोरङका प्रमुख अजम्बर राईले यस्ता कार्यक्रमले निरन्तरता पाउनुपर्ने बताए । सफल जनप्रतिनिधि बनाउन यस्ता कार्यक्रम सहयोगी हुने उनको भनाइ थियो ।
सुन्दरहरैंचा नगरपालिकाका प्रमुख केदारप्रसाद गुरागाईँले आफूहरुले उठाउनुपर्ने विषय नमूना संसदका सहभागीले उठाएको बताए । यहाँ उठेका सुझावहरु नगरपालिकालाई उपलब्ध गराउन उनले अनुरोध गरे । नमूना संसद अभ्यास हेर्दा आफू प्रतिनिधि सभाको दर्शक दीर्घामा बसेजस्तो लागेको उनले बताए ।
सुन्दरहरैंचा नगरपालिकाकी उपप्रमुख अकली चौधरीले आफूले पनि यो तालीम लिनुपर्ने अनुभूति भएको बताइन् ।
प्रशिक्षार्थी जेनिसा पौडेलले विषयअनुसार बोल्न सिकाउने ज्ञान तालीमले दिएको बताइन् । किताबी ज्ञानभन्दा माथिको ज्ञान तालीमले दिएको उनको भनाइ थियो ।
कार्यक्रममा २ जना प्रशिक्षार्थीलाई सम्मान पनि गरिएको थियो । सक्रिय सहभागिताको सम्मान प्रशिक्षार्थी जीवनकृष्ण खतिवडाले र अनुशासित प्रशिक्षार्थीको सम्मान जेनिसा पौडेलले पाएका थिए ।
राष्ट्रिय युवा परिषद्का मोरङ अध्यक्ष सन्तोष घिमिरेको सभापतित्वमा भएको कार्यक्रममा नगरपालिकाको शिक्षा शाखाका अधिकृत तेज आचार्यले स्वागत मन्तव्य राखेका थिए । कार्यक्रमका सभापति घिमिरेले यस्ता सिर्जनशील कामको लागि सरकारले बजेट विनियोजनमा कञ्जुस्याइँ गर्न नहुने बताए ।
४ दिवसीय सो तालीमको भुवन दाहाल र सरोज ढकालले सहजीकरण गरेका थिए ।
Facebook Comment
Banner
बेंग्लुरु आईपीएलको प्लेअफमा, चेन्नेइ बाहिरियो
लिग चरणको अन्तिम खेलमा चेन्नेइ सुपर किंग्सलाई पराजित गर्दै रोयल च्यालेनजर्स बेंग्लुरु इन्डियन प्रिमियर लिग (आईपीएल) को प्लेअफमा प्रवेश गरेको छ ।
आफ्नै मैदानमा शनिबार राति भएको खेलमा बेंग्लुरुले चेन्नेइलाई २७ रनले पराजित गर्दै प्लेअफमा पुगेको हो ।
चेन्नेइ, दिल्ली र लखनउको पनि समान १४ अंक भए पनि नेटरनरेटमा तीन टिमलाई पछि पार्दै बेंग्लुरु चौथो स्थानमा रहन सफल भएको हो ।
२०१ रन बनाएर पराजित भएको भए पनि चेन्नेइ प्लेअफमा पुग्ने थियो । तर, २१९ रनको लक्ष्य पछ्याएको चेन्नेइले ७ विकेट गुमाउँदै १९१ रन मात्रै बनायो ।
चेन्नेइका रचिन्ल रवीन्द्रले ६१, रवीन्द्र जडेजाले ४२, अजिङ्क्या राहानेले ३३ र महेन्द्र सिंह धोनीले २५ रन बनाए ।
बेंग्लुरुका यश दयालले २, ग्लेन म्याक्सवेल, मोहम्मद सिराज, लोकी फर्गुसन र क्यामरन ग्रीनले एक/एक विकेट लिए ।
त्यसअघि टस हारेर पहिले ब्याटिङको निम्तो पाएको बेंग्लुरुले ५ विकेटको क्षतिमा २१८ रन बनाएको थियो । बेंग्लुरुका कप्तान फ्याफ डु प्लेसिसले ५४, विराट कोहलीले ४७, रजत पतिडरले ४१, क्यामरन ग्रीनले ३८, ग्लेन म्याक्सवेलले १६ र दिनेश कार्तिकले १४ रनको योगदान गरे ।
चेन्नइका शार्दुल ठाकुरले २, तुशार देशपाण्डे र मिचेल स्यान्टनरले एक/एक विकेट लिए ।
यसअघि आईपीएलको प्लेअफका चारवटै टोलीको टुंगो लागिसकेको छ ।
१९ अंकका साथ कोलकाता पहिलो स्थानमा छ । प्लेअफ पुगिसकेका राजस्थान रोयल्स र सनराईजर्स हैदराबाद दोस्रो र तेस्रोका लागि प्रतिस्पर्धामा छन् । यो पनि आजै टुंगो लाग्नेछ ।
आज दिउँसो पौने ४ बजे हैदराबादले पञ्जाबसँग खेल्नेछ भने राजस्थानले राति पौने ८ बजे कोलकत्तासँग खेल्नेछ ।
Banner
आज – ०६ जेठ २०८१ आइतवार को राशिफल
मेष
मेष (चु, चे, चो, ला, लि, लु, ले, लो, अ) अध्ययनअध्यापनको क्षेत्रमा प्रगतिको खबर सुन्न पाउनु हुनेछ । महिला वा मित्रबाट विशेष सहयोग मिल्ला । परिवारका सदस्यहरूसँग भेटघाट हुनेछ ।
मिथुन
मिथुन (का, कि, कु, घ, ङ, छ, के, को, हा) यात्रामा मालसामान हराउन सक्छ । कार्य सम्पादनमा समस्या आउला । साँझमा पैसा खर्च हुने योग छ । चोटपटकको भय छ सचेत रहनुहोला ।
सिंह
सिंह (मा, मि, मु, मे, मो, टा, टि, टु, टे) आज एउटै कामबाट दोहोरो लाभ मिल्नेछ बन्धुबान्धवबाट सहयोग मिल्नेछ । मनमा हर्ष, उमङ्ग र उत्साह रहला । रमाइलो यात्राको योग रहेको छ ।
तुला
तुला (रा, रि, रु, रे, रो, ता, ति, तु, ते) महत्त्वपूर्ण कार्यमा व्यवधान आइपर्ला । माया प्रेममा धोका हुन सक्छ भने एकोहोरो माया प्रेमले सताउनेछ । आर्थिक कारोबारमा विवाद पनि आउला ।
धनु
धनु (ये, यो, भा, भि, भु, धा, फा, ढा, भे) आज मनमा हर्ष, उमङ्ग र उत्साह छाउनेछ । आदर्श व्यक्तित्व सँगको सहकार्यले नयाँ अनुभव मिल्नेछ । रमणीय, सुखद् र धार्मिक यात्राको योग छ ।
कुम्भ
कुम्भ (गु, गे, गो, सा, सि, सु, से, सो, दा) आज मनमा उत्पन्न शंका तथा डरका कारण बनिसकेको काममा दुबिधा उत्पन्न हुन सक्छ । भोजभतेरमा सामेल हुँदा स्वास्थ्यको ख्याल गर्नुहोला ।
बृष
वृष (इ, उ, ए, ओ, वा, वि, वु, वे, वो) आज सन्तान तथा परिवारमा मेलमिलाप हुनेछ । जोशजाँगर बढ्नुका साथै समयले राम्रो साथ दिनेछ । आर्थिक लाभ हासिल हुन सक्ने देखिन्छ ।
कर्कट
कर्कट (हि, हु, हे, हो, डा, डि, डु, डे, डो) आज अधुरा र रोकिएको काम दोहोर्याएर गर्दा फाइदा हुन सक्नेछ । जीवनसाथीको सल्लाहमा गरिएको कार्यबाट अधिक सफलता मिल्नेछ ।
कन्या
कन्या (टो, पा, पि, पु, ष, ण, ठ, पे, पो) आज परीक्षा आदि प्रतिस्पर्धामा उत्तीर्ण हुन सकिनेछ । घर परिवारका सदस्यहरूबाट सहयोग पाइनेछ । रमणीय र सुखद यात्राको योग पनि छ ।
बृश्चिक
वृश्चिक (तो, ना, नि, नु, ने, नो, या, यि, यु) आज मन अध्यात्म र दर्शनतर्फ आकर्षित बन्नेछ । पेसा र व्यवसायबाट लाभ हुनेछ । कसैकसैका लागि सन्तान प्राप्ति र प्रसन्नता छाउनेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज सामाजिक सेवा गर्ने अवसरले मानप्रतिष्ठा बढाउनेछ । कार्य सम्पादनमा सहजता मिल्नेछ । व्यापार व्यवसायमा पनि सफलता मिल्नेछ ।
मीन
मीन (दि, दु, थ, झ, ञ, दे, दो, चा, चि) विद्या र बुद्धिको विकास हुनेछ । पारिवारिक भेटघाटमा रमाइन्छ । धनार्जनका नयाँ स्रोतहरू पत्ता लाग्नेछन् । माया प्रेममा आत्मियताको बढोत्तरी हुनेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
आज – ०३ जेठ २०८१ बिहिवार को राशिफल
मेष
मेष (चु, चे, चो, ला, लि, लु, ले, लो, अ) आज वित्तिय संस्था बाट सहयोग पाइनेछ । विशिष्ट व्यक्तिको सहयोग पाइनेछ । विश्वास गरेकाले साथ दिनेछन् । शुभकार्यको चर्चा पनि चल्नेछ ।
मिथुन
मिथुन (का, कि, कु, घ, ङ, छ, के, को, हा) चलाखीपूर्ण बोलीले गरेको कार्य सिद्ध हुनेछ । चिताएको कामले तीव्रता लिनेछ । वित्तिय संस्थाबाट सहयोग पाइनेछ । शुभ समाचार सुन्नमा आउला ।
सिंह
सिंह (मा, मि, मु, मे, मो, टा, टि, टु, टे) आज स्वादिष्ट भोजन पाइनेछ । आत्मबल बढाएर काम गरेमा असफल भइँदैन । प्रेम सम्बन्धमा मधुरता छाउनेछ । रोकिएको धन हात पर्ला ।
तुला
तुला (रा, रि, रु, रे, रो, ता, ति, तु, ते) आज धर्मकर्ममा रुचि बढ्नेछ । गरेका कामबाट राम्रै लाभ हुनेछ । रोकिएका अधुरा कार्यको थालनी हुनेछ । नयाँ र शुभ समाचार पनि सुन्न पाइएला ।
धनु
धनु (ये, यो, भा, भि, भु, धा, फा, ढा, भे) धनार्जनका नयाँ स्रोतहरू पत्ता लाग्नेछन् । पठनपाठनमा प्रगति हुनेछ । आफन्तको सहयोग प्राप्त हुनेछ । वैदेशिक क्षेत्रको काम अघि बढ्नेछ ।
कुम्भ
कुम्भ (गु, गे, गो, सा, सि, सु, से, सो, दा) रोकिएको धन हात पर्ला । मिष्ठान्न भोजन प्राप्ति हुनेछ । मनोरञ्जनमा सहभागी भइएला । साँझमा पैसा खर्च हुने योग छ । अतिथिको सेवा पनि होला ।
बृष
वृष (इ, उ, ए, ओ, वा, वि, वु, वे, वो) आफन्तजन सँग मनमुटाब बढ्नेछ । विद्या तथा प्रतिस्पर्धामा सफलता पाउन निकै नै मेहनेत गर्नुपर्नेछ । आफन्त तथा विश्वास गरेकैबाट धोका हुनेछ ।
कर्कट
कर्कट (हि, हु, हे, हो, डा, डि, डु, डे, डो) श्रमको उचित मूल्याङ्कन हुनेछ । साथी भाइको भेटघाटले मन प्रफुल्ल रहला । आर्थिक लाभ रहनेछ र कुनै कुराले मनमा शान्ति छाउला ।
कन्या
कन्या (टो, पा, पि, पु, ष, ण, ठ, पे, पो) महत्त्वपूर्ण अवसर गुम्न सक्नेछ । आफूलाई कमजोर भएको अनुभूति हुनेछ । गरेका कार्यमा ढिलासुस्ती हुनेछ, तर साँझमा धन हात पर्नसक्छ ।
बृश्चिक
वृश्चिक (तो, ना, नि, नु, ने, नो, या, यि, यु) आज कलासाहित्य तथा सङ्गीतमा रुचि बढ्नेछ । कार्य सिद्धिको योग छ । मनमा उत्साहका साथै बोली बिक्ने समय छ । शुभकार्यको चर्चा चल्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज कार्यमा अवरोध आउला । मालसामान हराउने वा नोक्सानी हुनसक्छ । दिनको उत्तरार्धमा बढी धन खर्च हुनेछ, तर लामो यात्रा सफल हुनेछ ।
मीन
मीन (दि, दु, थ, झ, ञ, दे, दो, चा, चि) आज शुभ कार्यमा सरिक भइनेछ । नयाँ नयाँ क्षेत्रमा लगानीको अवसर मिल्नेछ । श्रमको उचित मूल्याङ्कन हुनेछ । अचल सम्पत्ति हात पर्ने योग छ । राशिफल जे जस्तो भएपनि तपाईंको दिन मङ्गलमय रहोस् ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login